მთავარი » 2016 » ოქტომბერი » 15 » ნიკა ჩერქეზიშვილი - ჩემს ოთახში / nika cherqezishvili - chems otakhshi

6:38 AM

ნიკა ჩერქეზიშვილი - ჩემს ოთახში / nika cherqezishvili - chems otakhshi

ჩემ ოთახში არ უნდა იყოს მსხვრევადი ნივთები.

ფანჯარა უნდა იღებოდეს ჩვეულებრივ,
როგორც წლების წინ იღებოდა.

არ მჭირდება თანამედროვე ტექნოლოგიები.

ჩემ ოთახში უნდა იყოს იმხელა ადგილი,
რომ ხელები გავშალო
და დავტრიალდე.

ფეხებში არ უნდა მედებოდეს არაფერი.

ჩემ ოთახში უნდა თბილოდეს.

კედელზე,
აუცილებლად,
უნდა ეკიდოს იესოს ხატი.

რომელიმე კუთხეში,
იატაკზე,
უნდა ეგდოს ჭრელი ხალიჩის პატარა ნაჭერი.

ჩემ ოთახში უნდა იდგეს ფურცლების სუნი.

. . .

ჩემ ოთახში უნდა მოდიოდე შენ.

ნიკა ჩერქეზიშვილი