მთავარი » 2016 » ოქტომბერი » 15 » ნიკა ჩერქეზიშვილი - თვალებში გამოვიხედეთ / nika cherqezishvili - tvalebshi gamovikhedet

6:54 AM

ნიკა ჩერქეზიშვილი - თვალებში გამოვიხედეთ / nika cherqezishvili - tvalebshi gamovikhedet

ამ ქვეყანაში,
სადაც სიღარიბის არაოფიციალური ნიშნული
სამოცდაათ თეთრზე დგას.
(მეგობრებო,
ნურასოდეს ენდობით ოფიციალურ ინფორმაციას.)

სადაც ჩვეულებრივ ნაცრისფერია ყველაფერი,
წვიმა თოვლში ერევა
და სადგომებისკენ მიერეკება ყველას.

სადაც მთავარი შეკითხვებია -
როდის დაიბადე
და როდის აპირებ სიკვდილს.

სადაც არავინ არის გულწრფელი
და შესაბამისად,
აზრი აქვს დაკარგული ყველაფერს.

სადაც ყველა ფიქრობს - "როგორ"
და არავის მოსდის თავში - "რატომ".

ქვეყანაში,
სადაც ცდილობენ ახალი ამერიკა აღმოაჩინონ
და დაკარგული აქვთ საკუთარი მიწები.

. . .

ჩვენ მოულოდნელად შევეჯახეთ ერთმანეთს
და თვალებში გამოვიხედეთ.

ნიკა ჩერქეზიშვილი