მთავარი » 2017 » ოქტომბერი » 12 » ირაკლი დეისაძე - ლექსი თამთას / irakli deisadze - leqsi tamtas

2:43 PM

ირაკლი დეისაძე - ლექსი თამთას / irakli deisadze - leqsi tamtas

დილით ყოველთვის ვბრუნდები გვიან,
თან დაქანცული, როგორც მარხული
და ჩემს ცხოვრებას ამ წუთას ჰქვია:
თამთა, წიგნები და სამსახური.

ხალხი იგივე დამიხვდა იქაც,
თავდახრილი და თვალებ დათხრილი,
ცხვარი ცხვარია, გავივლებ ფიქრად,
უსუსური და პატივაყრილი.

თანასწორობა თავივით მიყვარს,
ჰაიდა, გუდა მოვიგდო უნდა...
და რა აზრი აქვს წარმოვთქვა სიტყვა,
როცა მათ თვალშიც მტყუანი ვარ მუდამ,

ვისაც ვიცავ და თანაც ვერ ვიცავ,
ვის გამოც ვარ და საქმეს ვახურებ,
ასეთ სამსახურს ჰქვია შერისხვა
და ამ შერისხვას არ ვიმსახურებ.

გავს ის ადგილი თითქოს აგორას,
წამების რაღაც ფორმაა მასში.
მე ვქვეითდები ,,ამბასადორთან"
და მერე ფეხით ვბრუნდები სახლში.

და თან ყოველთვის ვბრუნდები გვიან,
დაღლილი, როგორც სულით მარხული
და ჩემს ცხოვრებას ამ წუთას ჰქვია:
თამთა, წიგნები და სამსახური.

ირაკლი დეისაძე