მთავარი » » კარლო კაჭარავა - სარკე "ღარიბი სიზმრებიდან" / karlo kacharava - sarke "gharibi sizmrebidan"

3:11 PM

კარლო კაჭარავა - სარკე "ღარიბი სიზმრებიდან" / karlo kacharava - sarke "gharibi sizmrebidan"

სარკე - "ღარიბი სიზმრებიდან"

და მერე მივხვდი: მე ყოველთვის ვიყავი
ეჭვიანი მამა
იერმკრთალი, დაბნეული და სევდიანი -
მრავალჯერ გარდაცვლილი
ქალიშვილის მომავალი სიშიშვლით
და დამცირებით.
მეც ვწყევლიდი და მოვუხმობდი მამას,
განკითვისა და განუკითხაობისათვის!
ვჭამდი სველ პურს
და მეძინა ყაზარმაში,
ცუდ სასტუმროებში,
ქვიშაზე და ვარსკვლავებქვეშ.
ზღვაში, რომელშიც ჩემი ღამეები
და ჩემი ყვავილები ყრია.
ისიცხება სამერმისო პერანგი,
უფრო ნათელი, ვიდრე მთვარე
და მე არ მსურს ვიფიქრო
საცხოვრებელზე ანგელოზთა მოსასმენად,
სანამ ჩემი ქალიშვილი
მატარებლებს და თევზებს ხედავს
მრუმე სიზმრებში.

კარლო კაჭარავა - 1987 წ.