მთავარი » » კარლო კაჭარავა - ჩვენ ორივეს გვიყვარდა .. / karlo kacharava - chven orives gvikvarda ..

3:19 PM

კარლო კაჭარავა - ჩვენ ორივეს გვიყვარდა .. / karlo kacharava - chven orives gvikvarda ..

ჩვენ ორივეს გვიყვარდა
ძველი სენტიმენტალური ზღვა,
პიონები თუ კიდევ რაღაც მანერული -
ის, რაც თან გვახლდა
და ხშირად გვეცინებოდა.
უკვე ესეც მორჩა
ნებაშეწყვეტილი
ვიხსენებ შენს დღეებს
ვოცნებობ მკვლელობაზე,
როგორც ხიდი ღამით
შენს ფეხებქვეშ
და პირქუში მდინარე
სიზმარში მერამდენედ ვკბენ
შენს ბავშვობადაკარგულ მკერდს
ვიპარავ და ლიფტში ვაგდებ
შენს ფეხსაცმელებს
ხელს ვაფარებ შენს ღიმილს
და ტირილს ვიწყებ.

კარლო კაჭარავა - 1987 წელი