მთავარი » 2017 » ოქტომბერი » 12 » ოთარ ჭილაძე - დე, ასე ქროდეს .. / otar chiladze - de, ase qrodes ..

3:22 PM

ოთარ ჭილაძე - დე, ასე ქროდეს .. / otar chiladze - de, ase qrodes ..

დე, ასე ქროდეს, ქროდეს და ქროდეს,
ფრთებდაგლეჯილი ქვითა და ქვიშით...
მე მინდა ჩემგან სახსოვრად გქონდეს
ამ ქარის უცებ ჩადგომის შიში.

ეს სულ არ არის ამინდის ბრალი,
არც ღვინის ბრალი... მეც ვგრძნობ და ვიცი,
თუმცა ხეები გვანან დღეს მთვრალებს
და მტკვარიც თითქოს შიგნიდან იწვის.

ეხეთქებიან ტოტები ტოტებს,
ზეცას იკლებენ ვაით და ვიშით.
და მაინც, ჩემგან სახსოვრად გქონდეს
ამ ქარის უცებ ჩადგომის შიში.

ოთარ ჭილაძე