მთავარი » 2017 » ოქტომბერი » 12 » რობერტ მესხი - კ ა რ დ ი ო გ რ ა მ ა / robert meskhi - k a r d i o g r a m a

8:19 PM

რობერტ მესხი - კ ა რ დ ი ო გ რ ა მ ა / robert meskhi - k a r d i o g r a m a

კავკასიონის მწვერვალებს მიუყვება
ჩემი კარდიოგრამა.
რამდენიმე ამოვარდნა მაქვს –
უშბა,
თეთნულდი,
მყინვარწვერი;
იშემიის ნიშნები –
როკი და საკენი,
წლების წინ ნაინფარქტალი – იალბუზი.

მინდვრის ზამბახი ვარ.
მეც მიყვარხარ,
მაგრამ შენი ფეხის ხმა
მიხშირებს მაჯისცემას.
ნუ მომწყვეტ,
ხომ ხედავ,
შენს ლარნაკს
ნაფოტად არ ვეყოფი...

რობერტ მესხი