ალბათ შენ თუ ხარ დამნაშავე,
- ვერ შეესწარი.
ცრემლივით ვერ ჩაუდექი თვალებში,
სისხლივით ვეღარ შეადედდი,
თავი ვეღარ აფიქრებინე,

მაშინ, - როდესაც ჩიტებიც კი ერთად მიდიან,
მცირე ნიავით, იზიდავენ ტოტები - ტოტებს
და პლანეტები უსასრულო, ღია კოსმოსში
მოძრაობენ ერთმანეთისკენ, -
როცა ბალახიც ერთად ამოდის.

შენ სიზმრებშიც არავინ გნახავს,
მაგრამ ეს რა სამწუხაროა?!. -

ხომ შეიძლება სულ მარტო იყო,
მარტოს გიყვარდეს?!.

თორნიკე ჭელიძე