სიყვარული

სამედიცინო ანუსში გასაჩერებელი სანთლებით
მე ვერ ავანთებ
შენს მოწყენილ ღამეს სადღაც სხვაგან:
სხვა ქვეყანაში, სხვა ქალაქში.
და არც არის ამის საჭიროება - იქ დენი არის.
მე აღარ ვწუხვარ ამის გამო.
ე.ი. მე ვსწავლობ ნამდვილ ცხოვრებას,
რომ დარჩენილი მცირეოდენიც
არ წამართვას საფრთხესთან უმიზნო ბრძოლამ -
რომანტიზმმა,
რადგან მეოთხე დღეა ბნელ ოთახში ვზივარ.
ხოლო დაზიანებული კაბელი
ისე განუზომლად ბევრი ღირს,
როგორც ბილეთი შენამდე.

კარლო კაჭარავა - 1994 წ.