მთავარი » 2018 » თებერვალი » 2 » რობერტ ჰასი - საზომი / robert hass - sazomi

4:28 PM

რობერტ ჰასი - საზომი / robert hass - sazomi

საზომი.
დაბრუნებები.
სპილენძისფერი სხივი
ისევ ყოვნდება წვრილ-ფოთლიან

იაპონურ ქლიავთან. ზაფხული
და მზის ჩასვლა, შეძენილი სიმყუდროვე
საწერი მაგიდის

და თანდაყოლილი
სიმყუდროვე წერის, ესენი
ქმნიან წესრიგს, რომელსაც ვეკუთვნი

მხოლოდ და მხოლოდ
ყურადღებაგაფანტული. ბოლო სხივები
აკონტურებენ ლურჯ მწვერვალებს

და თითქმის ვამჩნევ
იმას, რისთვისაც დავიბადე
და რაც არ არის

არც ქლიავის ხე, არც მზის სხივი,
არამედ – ფეთქვა
ამ სტრიქონის. ბოლო სტრიქონის.