მთავარი » 2018 » თებერვალი » 2 » ჩეზარე პავეზე - გამოვივლი ესპანეთის მოედანზე / cesare pavese - gamovivli espanetis moedanze

6:51 PM

ჩეზარე პავეზე - გამოვივლი ესპანეთის მოედანზე / cesare pavese - gamovivli espanetis moedanze

კრიალა ცა,
ფიჭვები და ბილიკები
ქვიან გორაკზე.
ქუჩის ხმაური
ვერ შეამღვრევს კამკამა ჰაერს.
შადრევნებთან აფეთქებული
ყვავილები – ჭრელი შხეფები,
მხიარული გოგოებივით
თვალფახულები.
მზეში მღერიან
კიბეები, აივნები და ბეღურები.
იმ ქუჩაზე ქვებიც მღერიან.
გული ფეთქავს,
ჩუხჩუხებს, როგორც
წყალი შადრევნებში.
თრთოლვით ავლა
შენი კიბის საფეხურების.
ფანჯრებში ნაცნობი
სუნი ქვის და დილის ჰაერის.
იღება კარი.
ქუჩის ჩოჩქოლი
ემსგავსება გულისცემას
მილეულ შუქში.

და დამხვდები
მტკიცე, ნათელი.

28 მარტი, 1950