Загрузка...
ჩეზარე პავეზე - შენ, მარტის ქარო / cesare pavese - shen, martis qaro - 2 თებერვალში 2018 - პოეზიის სამყარო
სამშაბათი, 2018-10-23, 8:48 PM
მოგესალმები სტუმარი | RSS

პოეზიის სამყარო

მთავარი » 2018 » თებერვალი » 2 » ჩეზარე პავეზე - შენ, მარტის ქარო / cesare pavese - shen, martis qaro


6:53 PM
ჩეზარე პავეზე - შენ, მარტის ქარო / cesare pavese - shen, martis qaro
შენ, მარტის ქარო
სიცოცხლეც შენ ხარ
და სიკვდილიც.
მარტში მოსული,
გრილი მიწის
ჟრუანტელს მოყოლილი.
გაზაფხულის სუნთქვავ,
- ღიღილოვ, ღრუბლის ქულავ -
შენმა სიმსუბუქე
მიწა შეარყია.
შენმა ნიავივით ნაბიჯებმა
ჭრილობა გამიხსნა,
ისევ ამატკივა.


ცივი იყო მიწა
რუხი ცის ქვეშ,
ბნელ სიზმარში გამოკეტილი,
გაქვავებული,
როგორც ტანჯვით
დაღლილი კაცი.
უძირო გულში
ლღვებოდა ყინვა,
სიკვდილ-სიცოცხლეს
შორის დუმდა იმედი.

ახლა ყველაფერს, ცოცხალს,
ხმაც აქვს და სისხლიც.
ისევ ფეთქავს
მიწაც და ზეცაც.
იმედი – ტანჯვა,
აამღვრევს დილას,
და ყველაფერს
მოერევა შენი ნაბიჯი -
აისის სუნთქვა.
გაზაფხული შეარყევს მიწას
რაღაც ძველი,
უხსოვარი დროის კანკალით.
მიახლებ ტკივილს,
სიცოცხლეც შენ ხარ,
შენ ხარ სიკვდილიც.
უხმოდ ჩაიარე,
როგორც ბეღურამ,
როგორც ღრუბლის
ფაფუკმა ქულამ.
დაგუბებული ნიაღვარი
გულს გამოხეთქავს,
კამკამა ცაში აირეკლება
და ამ ღვარცოფში
სამყარო გამოჩნდება.
შენს მოლოდინში
გაილია ზეცაც და გულიც.
დილაა. გათენდა.
გაზაფხულის სუნთქვამ
მიწა შეარყია.

იმედი – ტანჯვა,
იცდის, იძახის.
სიცოცხლეც შენ ხარ
და სიკვდილიც,
თავსდამტყდარი
მაგ ფარფატა,
უხმო ნაბიჯით.

25 მარტი, 1950.


გამოხატეთ თქვენი აზრი მოცემული ლექსის შესახებ კომენტარის სახით!..




მიმაგრება: სურათი 1
კატეგორია: ლექსები | ნანახია: 173 | დაამატა: nikolozqartveli | ტეგები: uckhoetis poezia, uckhoeli poetebi, leqsebi, ლექსი, poeti, poezia, პოეტი, ლექსები, leqsi, პოეზია | რეიტინგი: 0.0/0
სულ კომენტარები: 0
სახელი *:
Email *:
ყველა სიცილაკი
კოდი *:


შესვლის ფორმა
ძებნა
კალენდარი
«  თებერვალი 2018  »
ორსამოთხხუთპარშაბკვ
   1234
567891011
12131415161718
19202122232425
262728
სტატისტიკა


სულ ონლაინში: 1
სტუმარი: 1
მომხმარებელი: 0