მთავარი » 2018 » თებერვალი » 2 » ზურაბ რთველიაშვილი - მკვდარი კაცი / zurab rtveliashvili - mkvdari kaci

7:22 PM

ზურაბ რთველიაშვილი - მკვდარი კაცი / zurab rtveliashvili - mkvdari kaci

მკვდარი კაცი არ დაგაცლის სიცილს,
მკვდარი კაცი გაგიფანტავს ძილს.
ცივი ხელით, როგორც სიზმარს,
კანს გაგაცლის -
ცვილის მონა, ჯარისკაცი ცვლის.

მკვდარი კაცი არ დაგიწყებს ლაციცს,
აწევს მაღლა გაქვავებულ თითს,
ცაზე მთვარეს შემოხაზავს ცარცით -
საკუთარი სხეულივით ცივს.

ცაში ცქერას არ დაგაცლის კაცი,
ვისაც ხელში უკავია ცელი,
მას აცვია მოსასხამი მკაცრი,
მან მოუშვა საოცარი წვერი.

ის ცხელ კვალზე გააციებს კოცონს -
სწრაფად ჰკოცნის უსიცოცხლო ხელებს,
მას ცხედრების მდუმარება მოსწონს -
ის ამხნევებს სარკოფაგის მცველებს!

მკვდარი კაცი დაემსგავსა არწივს,
მკვდარი კაცი გაგვიფანტავს ძილს -
ცივი ხელით, როგორც სიზმარს,
კანს გაგაცლის -
ცვილის მონა - ჯარისკაცი ცვლის...