Загрузка...
რევაზ მარგიანი - ჩემს ძველ ბინაში / revaz margiani - chems dzvel binashi - 2 თებერვალში 2018 - პოეზიის სამყარო
კვირა, 2018-02-25, 8:47 AM
მოგესალმები სტუმარი | RSS

პოეზიის სამყარო

მთავარი » 2018 » თებერვალი » 2 » რევაზ მარგიანი - ჩემს ძველ ბინაში / revaz margiani - chems dzvel binashi


7:53 PM
რევაზ მარგიანი - ჩემს ძველ ბინაში / revaz margiani - chems dzvel binashi
ჩემს ძველ ბინაში რაღაც დავტოვე,
ფიქრი, ალერსი, დარდი, ზმანება.
ხშირად ამიტომ ვგრძნობ სიმარტოვეს
და განშორებაც დამენანება.
რაც სულს გააჩნდა მცირე ქონება,
დედას გადურჩა შეუფუთავი,
ბევრი ოცნება და მოგონება
დღეს იქ ზუზუნებს, როგორც ფუტკარი.
ვნანობ, იქ დარჩა განძი ნამდვილი,
ღამის თევა და ბევრი ღვიძილი.
რაც ვერ შეფუთა ცოლმა ბარგივით
მინებს მიმსკდარი ჩემი სიცილი.
ვერც გალიაში ჩასვა ჩიტივით
ჩუმი, გულთბილი დედის ალერსი,
გახარებული ბალღის ტიტინი
და მისი კოცნა უმხურვალესი.
მან ვერ აკრიფა გამწყდარ მძივივით
მიმოფანტული ჩემი ცრემლები,
ვერ შეახვია დედის ღიმილის,
მამის ღიმილის ცისარტყელები.
ვერ წამოიღო ჭერზე მიხლილი
სტუმრის ლილეო ომახიანი,
ვერც ახლობელის ტკბილი ღიღინი
და ვერც მთაწმინდის გრილი ნიავი.
ვერ წამოიღო ჩემი ქუხილი,
ბგერები ჩემზე გაბუტულები,
ხან სიხარული და ხან წუხილი,
ბარტყივით სადღაც მიყუჟულები.
იქ დამრჩა სევდით და აღტაცებით
სიზმრად შეთხზული ბევრი შაირი,
ამოლამბული სიტყვის ძაფებით
და პოეზიით სავსე ჰაერი.
იქ ძველ ბინაში რაღაც დავტოვე,
ფიქრი,ოცნება, დარდი,ზმანება.
ხშირად ამიტომ ვგრძნობ სიმარტოვეს,
"დავდივარ... ვწუხვარ და მენანება!"


გამოხატეთ თქვენი აზრი მოცემული ლექსის შესახებ კომენტარის სახით!..




მიმაგრება: სურათი 1
კატეგორია: ლექსები | ნანახია: 28 | დაამატა: nikolozqartveli | ტეგები: ლექსი, revaz margiani, poezia, ლექსები, პოეტი, რევაზ მარგიანი, leqsi, პოეზია, leqsebi, poeti | რეიტინგი: 0.0/0
სულ კომენტარები: 0
სახელი *:
Email *:
კოდი *:


შესვლის ფორმა
ძებნა
კალენდარი
«  თებერვალი 2018  »
ორსამოთხხუთპარშაბკვ
   1234
567891011
12131415161718
19202122232425
262728
სტატისტიკა


სულ ონლაინში: 1
სტუმარი: 1
მომხმარებელი: 0