მთავარი » » გალაკტიონ ტაბიძე - ეეს რა ნიაღვრებს ვეზუვუ ისვრის? / galaktion tabidze - es ra niaghvrebs vezuvu isvris?

3:38 PM

გალაკტიონ ტაბიძე - ეეს რა ნიაღვრებს ვეზუვუ ისვრის? / galaktion tabidze - es ra niaghvrebs vezuvu isvris?

- ეს რა ნიაღვრებს ვეზუვი ისვრის.
რა სიბნელეში დგას ცეცხლის სვეტი? -
- ეს ამ გულიდან სიმღერა იძვრის
და თან მოჰყვება მას სისხლის წვეთი.
- ეს რა შავბნელი კვამლი მოედო,
რა ბურუსები მოაქვს რგოლებად?
- ეს შენს სიმღერას და სისხლს, პოეტო,
თან მოსდევს წყევლა და დაბრკოლება.
- ეს რა გრიგალმა დაიწყო ძრწოლა,
რა ჟრუანტელი წყვდიადს აწუხებს?
- ეს შენი ისმის სიმღერის ბრძოლა,
ბრძოლაზე ბრძოლით რომ უპასუხებს...
-ეს რა ბრწყინვალე მზე ამოენთო,
რა ჟრიამულმა გადაიჟღერა?
- ეს სიმღერაა შენი, პოეტო,
გამარჯვებული ბრძოლის სიმღერა!