მთავარი » 2014 » ოქტომბერი » 8 » გალაკტიონ ტაბიძე - ქვეყანა გაცვდა, ვით ძველი გროში / galaktion tabidze - qvekana gacvda, vit dzveli groshi

3:45 PM

გალაკტიონ ტაბიძე - ქვეყანა გაცვდა, ვით ძველი გროში / galaktion tabidze - qvekana gacvda, vit dzveli groshi

ქვეყანა გაცვდა, ვით ძველი გროში,
უდაბურებად იქცა სოფელი.
ნუ გაოცდები, რომ ასეთ დროში
მცირე ბედისაც ვარ მადლობელი.

შეიძლებოდა, მქონოდა სული
კეთილი, ნაზი, როგორც დობილი,
მაგრამ ცხოვრება არაა სრული,
მცირე ბედისაც ვარ კმაყოფილი.

ვით შეიძლება იქნე ლამაზი,
როცა სიტლანქე მოდის მგმობელი,
დროა, დავტოვო ფიქრი ამაზე,
მცირე ბედისაც ვარ მადლობელი.

საშინელება, სიბნელე, გესლი,
დემონიური ცეცხლის პროფილი,
ბოროტო, სუნთქვა რად გამოძნელე,
მადლობელი ვარ, ვარ კმაყოფილი!