მთავარი » » გალაკტიონ ტაბიძე - ჰაინეს სტრიქონის გამო / galaktion tabidze - haines striqonis gamo

4:03 PM

გალაკტიონ ტაბიძე - ჰაინეს სტრიქონის გამო / galaktion tabidze - haines striqonis gamo

რომანტიული ქნარის წვიმაში
ნირშეუცვლელი იყო გალობა:
ბედნიერება არის მირაჟი,
უბედურება კი რეალობა.

უბედურება, - წუხდა ჰაინე, -
დინჯი, მოხუცი არის ქმნილება,
თუ ერთი გნახა და მოეწონე,
სიკვდილის დღემდე ქნარს გეცილება.

ასეა, ასე: მხოლოდ სიზმარში
სიუბრალოე და სიადვილე, -
უბედურება არის მირაჟი,
ბედნიერება კი სინამდვილე.

მე არას ვიტყვი, ბევრის ვარ მოწმე
უბედობით და ბედნიერებით.
პირად საკითხში ამ ორი მოძმის –
ნურავინ ქვეყნად ნუ ჩაერევით.