მთავარი » » ნიკოლოზ ქართველი (ძამიაშვილი) - ლექსი გვანცულიას / nikoloz qartveli (dzamiashvili) - leqsi gvanculias

5:28 PM

ნიკოლოზ ქართველი (ძამიაშვილი) - ლექსი გვანცულიას / nikoloz qartveli (dzamiashvili) - leqsi gvanculias

სანამ თვალები დაგეხუჭება
მინდა მოგწერო თბილი წერილი
სანამ ტკივილი გამიყუჩდება
გრძნობა ღილებად მაქვს მიკერილი

მინდა გიყურო ისევ ახლოდან
მინდა რომ გრძნობდე ამ სიახლოვეს
ალბათ ოდესმე ისევ აქ მოხვალ
სადაც მე ვიდექ, სადაც ახლა ვარ

თვითონ არ ვიცი ხვალ რას ველი მეც
მაგრამ ოცნებას ქარსაც გავატან
კარგად არ გიცნობ, მაგრამ წერილებს
მაინც გწერ მე და აბზაცს დავფანტავ

სიტყვებს გავბლანდავ ანდაც უაზროდ
თუნდაც ავურევ, რომ შენ ვერ მიხვდე
რისი თქმაც მინდა, მაგრამ უფასოდ
მაინც სხვა გეტყვის, თუ მე დამასწრებს!..

ნიკოლოზ ქართველი (ძამიაშვილი) - 28.11.2014