მთავარი » » შარლ ბოდლერი - იკაროსის ჩივილი / charles baudelaire - ikarosis chivili

12:17 PM

შარლ ბოდლერი - იკაროსის ჩივილი / charles baudelaire - ikarosis chivili

თქვენ ხართ მაძღარნი, ვისაც მეძავთა
გაქვთ ხვევნა-კოცნა და ცას შესცინით.
მე კი ხელები მაქვს დალეწილი,
რომ მოგხვეოდი, მე ცა მეძახდა.

მზის მოგონება რომ უწილადონ,
რომ გაახსენონ მზის ვარვარება,
კიდევ ჩახედეს ცის ვარსკვლავებმა
ჩემს თვალებს ჩამქრალს და უსინათლოს.

ბოლო მოეღო სითამამესაც
და ფიქრს, რომ სივრცის კარს გავაღებდი,
არ ვიცი, ვისი მზერის ნაღვერდლით
ვიგრძენი, ფრთები როგორ დამემსხვრა.

სილამაზისთვის დამწვარს არავინ
არ დამდებს პატივს, ჩემი სახელით
ახსენონ, სადაც დავიმარხები
ხვალ, ის უფსკრული გულშემზარავი.

(თარგმნა გივი გეგეჭკორმა)