მთავარი » 2015 » იანვარი » 28 » შარლ ბოდლერი - ამაღლება / charles baudelaire - amaghleba

12:34 PM

შარლ ბოდლერი - ამაღლება / charles baudelaire - amaghleba

ხეობებს ზევით,გუბურების და ზღვების თავზე,
მიღმა ღრუბელთა,მზეტა მიღმა,მიღმა მღვიმეთა,
სადაც ვარსკვლავი არასოდეს არ ციმციმებდა
და სად თავდება დედამიწის ციური გარსი,
შენ იქ მიიწევ,სულო ჩემო,და როგორც ზღვები
თავდავიწყებით ეზახის და ხიბლავს მენავეს,
მიაპობ სივრცეს უსარულოს და უზენესს
მამაკაცური ნეტარებით,ჟინით და ვნებით.
გაექეც ხრწნას და სნეულებას,ვით ანატემას,
განიწმინდე და გაარღვიე ცათა ჯებირი
და როგორც სითხე,უწმინდესი და ღვთაებრივი,
შესვი ცეცხლივით აღგზნებული სივრცის ნათელი.
იგი,ვინც ტყვეა მწუხარების და გარინდების
და ნისლიანი არსებობის ამძიმებს ტვირთი,
კურთხეულია,ფრთებგაშლილი და ზევით ილტვის,
რომ იქ იხილოს ნათელი და მშვიდი მინდვრები.
კურთხეულია,ვისი ფქრიც ზევით ავიდა,
ვით ტოროლები განთიადზე;და ცის სტუმარი
იქიდან უმზერს მთელ ქვეყანას და იდუმალი
გაიგო ენა საგანთა და ენა ყვავილთა.