ალეკო ცქიტიშვილი - ნინოს / aleko cqvitishvili - ninos
კიდევ ერთი დღე მეტროპოლიტენში, სადაც მე და შენ მიცვალებული ვნახეთ _ ბაქანზე ესვენა და პოლიციელები დამუნჯებულ თვალებზე ცხვირსახოცს აფარებდნენ.
თურმე ვაგონიდან გამოსვლისთანავე წაიქცა და გულიდან პატარა ცხოვრება გადმოუვარდა. მატარებელმა თავისი გზა გააგრძელა, ხოლო ჩვენ გერმანიაში წასვლაზე ვსაუბრობდით.
იქ ოდნავ სხვანაირად კვდებიან ადამიანები. ყოველ შემთხვევაში, მე და შენ ასეთი წარმოდგენა გვაქვს და გვჯერა.
გამოხატეთ თქვენი აზრი მოცემული ლექსის შესახებ კომენტარის სახით!..
