მთავარი » 2014 » ოქტომბერი » 5 » ირაკლი დეისაძე - არ ღირდა / irakli deisadze - ar ghirda

7:17 PM

ირაკლი დეისაძე - არ ღირდა / irakli deisadze - ar ghirda

მდგომარეობა ქაოსური უფრო ამძაფრებს
არ დალაგებულ აზროვნებას დასაბამით და
ნაობლარ დროში, უთვისტომო, ვითვლი ამ ძაღლებს,
რომელთა მრუში დაბადება ქვეყნად არ ღირდა.

რომლებიც სიკვდილს გაურბიან, ბოლო პაემანს,
ის კი, ცხოვრების ჰიმნოგრაფი ღალღა-ლაინა
ცდილობს წლებს შორის უმნიშვნელო ტირის გავლებას,
იმ ტირის, შიშმა განცდებით რომ აღაცნაირა.

მე, მიმწუხრეთის ეკიპაჟის რჩეულ ნარცისებს
მევახშეთაგან ნასესხები დასაბამიდან
ვიცილებ, რადგან ეს ქაოსი ნებას ასხვისებს
და ვფიქრობ, მათი დაბადება ქვეყნად არ ღირდა.