მთავარი » 2014 » ნოემბერი » 21 » ნიკოლოზ ქართველი (ძამიაშვილი) - დედა / nikoloz qartveli (dzamiashvili) - deda

1:02 PM

ნიკოლოზ ქართველი (ძამიაშვილი) - დედა / nikoloz qartveli (dzamiashvili) - deda

ვგრძნობ რა ტკივილი გაწუხებს, დედი
ჩვენი გზა რომ ერთმანეთს გაშორდა,
ალბათ მე მოვალ მადლობას გეტყვი,
რომ გამოზარდე ჩემში ბავშვობა.

დღის ბოლოს ღიმილს გაჩუქებ, დედი,
ალბათ საღამოს მზეც რომ იძინებს,
მაშინ კაკუნით ისევე ვხვდები,
ამ დღის სიხარულს და თან სიმძიმეს.

ვერ დავივიწყებ ამ სითბოს, დედი,
სევდიან სიყვარულის მდინარეს,
ხშირად მარტოდ ვარ, ესაა ბედი,
ბავშვობად მახსოვს კოცნა მძინარეს.

ახლა კი წვერიც მეზრდება, დედი,
მინდა რომ გითხრა ისევ გამხნევდი,
ბავშვობა მძიმე გამოვიარეთ,
გაიღიმე რომ ჯერ არ დაბერდი.

ვგრძნობ რომ სილაღე გაღიმებს, დედი
და ეს სიტყვებიც ვთქვი და გამშორდა,
ისევ მე მოვალ მადლობას გეტყვი,
რომ გამოზარდე ჩემში ბავშვობა!..

ნიკოლოზ ქართველი (ძამიაშვილი) - 05 / 06 / 2014