მთავარი » » ნიკოლოზ ქართველი (ძამიაშვილი) - ლექსი საკუთარ ბებოს / nikoloz qartveli (dzamiashvili) - leqsi sakutar bebos

1:20 PM

ნიკოლოზ ქართველი (ძამიაშვილი) - ლექსი საკუთარ ბებოს / nikoloz qartveli (dzamiashvili) - leqsi sakutar bebos

უძილობამ დაძინება მოითხოვა,
სიზმარში კი ხე დახრილი დაესიზმრა.
გაჭირვებით გაცინება მოინდომა,
ძალა მისცეს იმედებმა გაცრეცილმა.

გულში ტკივილს დაატარებ, სიხარულსაც,
გამოხედვა მახსოვს ისევ გემრიელი.
უფოთლო ხეს გაამწვანებს სიყვარული,
თუკი გული ახალგაზრდობს - ბედნიერი.

გამეღვიძა, რომ ავდექი გამახსენდი,
გავიხედე და ისევ ვერ დაგინახე.
ცხრა მთას იქით, სხვის მინდორში, ან სხვა ტყეში,
ფესვს არ გადგამ, მაგრამ მაინც დაიხანე.

რამდენ წელსაც მოიმატებ უფრო მეტ ტოტს
გაზრდი კვლავაც ალბათ მხრებში გამართული,
ღეროზე ტოტს, მოტეხვა ვინ გაუმეტოს
ქართულ ჯიშზე სხვათა სისხლით გადამყნული.

შვილთაშვილებს ბედნიერი მოესწარი,
არ მენახო სევდისაგან თავდახრილი,
მომენატრე... დაგავიწყდი?.. მოდი მალე!
რომ დატოვე პატარა ხეც გადახრილი!..

ნიკოლოზ ქართველი (ძამიაშვილი) - 31 / 08 / 2014