მთავარი » 2014 » დეკემბერი » 29 » ანა კალანდაძე – ჩამოვფრინდები, იასამანო / ana kalandadze - chamovfrindebi, iasamano
0:05 AM
ანა კალანდაძე – ჩამოვფრინდები, იასამანო / ana kalandadze - chamovfrindebi, iasamano
შეხედე, ცაა ძალიან ლურჯი, ძალიან ლურჯი, დაუსაბამო... ცას შერევია თეთრი ღრუბელი, ცამ ხვაშიადი რატომ დამალოს? ჩამოვფრინდები შენს ლურჯ რტოებზე, ჩამოვფრინდები, იასამანო! მივესალმები შენს ცინცხალ ყვავილს, ცას სამადლობელს შევწირავ მხოლოდ, გულს ეუფლება უსაზღვროება, როგორც ამ ლურჯ ცას არა აქვს ბოლი... ყვავილი შენი ქარში ირწევა, თეთრი ღრუბლები ტაატით დიან... ნუ შეშფოთდები,ღრუბლებს თუ გავყვე,_ მინდა, ველურმა ქარებმა მდიონ! შეხედე ცაა ძალიან ლურჯი, ძალიან ლურჯი დაუსაბამო... ცას შერევია თეთრი ღრუბელი, მე... ხვაშიადი რატომ დავმალო? ჩამოვფრინდები შენს ლურჯ რტოებზე, ჩამოვფრინდები, იასამანო!
გამოხატეთ თქვენი აზრი მოცემული ლექსის შესახებ კომენტარის სახით!..
