მთავარი » 2015 » იანვარი » 5 » აკაკი სურმანიძე - სავიზიტო ბარათი / akaki surmanidze - savizito barati
3:58 PM აკაკი სურმანიძე - სავიზიტო ბარათი / akaki surmanidze - savizito barati
როგორც სულის ყვავილი,
მომიძღოდა მარადის,
მადლი ხალხურ სიმღერის,
_ სავიზიტო ბარათის.
ნაბადივით მესხა და
ყაბალახად მეხურა
ჩემი `ოდოია” და
ჩემი ~ხასანბეგურა.”
სულ თილისმად ვატარე
სტვირია თუ ფანდური.
ხმალის ჟინი - `ჩაკრულო”,
მკლავის ძალა - `ნადური”.
რადგან ღმერთის მესმოდა,
ჯვარზე ვიყავ გაკრული,
ჯვარით გარდამოხსნაა
`აჭარული მაყრული”.
დღემდე ასე ვიარე
უზნეობის მგმობელმა,
მიხსნა ჩემმა სიმღერამ
სულის სალაღობელმა.
მიწით, ვიდრე ცათამდე,
მაკავშირებს მარად ის.
მაშ, დიდება სიმღერის,
_ სავიზიტო ბარათის!
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 1121 |
დაამატა: InterestingSite
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
