დროს ჩახუტებიდან - ჩახუტებამდე ვუწოდოთ შიმშილი, ფერებს უშენობის ჰორიზონტს რომ გასცდა, იმედებს საჩვენოს, ვითვლი ქვიშის საათს რამდენი გრამი აკლდება ღიმილით და გული სითბოს მარცვლებად აგროვებს, ერთად რომ გაჩვენოს... დრო ჩახუტებიდან - ჩახუტებმადე ურჩი ფიქრებია, ახალფეხადგმული ბავშვივით ვიზომავ ნაბიჯებს, მასას მომეტებით ფართო თვალებიდან კითხვის ნიშნები აქვს და ვერამოხსნილი ეს ამოცანები აგიჟებს.... დრო ჩახუტებიდან - ჩახუტებამდე მხოლოდ ნაღველია, ნოემბრის დღეების ჯაჭვი იგრიხება აქ დაუკითხავად, ყველა თრობაზე უფრო ძლიერი სასმელი დაგველია, ღამე ფრიალებენ ქუჩებში ლექსები და წაუკითხავად... დრო ჩახუტებიდან- ჩახუტებამდე ლოდინის რეჟიმია, ყველა უდაბნოში შეძლებს აყვავებას, ბედი აქვს, მერე იძერწება გრძნობის მოზღვავების რელიქვიად, მანდომებს ჯიუტად უმიზნოდ და მიზნით ხეტიალს... დროს ჩახუტებიდან ჩახუტებამდე უწოდე - შიმშილი, ოთახს ბეთხოვენს მელოდია მოსავს შავთეთრ კლავიშებად, ბრბოს ცნობისმოყვარე, უტიფარ თვალებში უბრალოდ სირცხვილი, დილას ფერი დაკრავს შენი თვალების და მიღირს გაგიჟებად..
გამოხატეთ თქვენი აზრი მოცემული ლექსის შესახებ კომენტარის სახით!..
