ქეთი სიხარულიძე - ყინავს ... / qeti sikharulidze - kinavs ... - 1 ოქტომბერში 2014

მთავარი » » ქეთი სიხარულიძე - ყინავს ... / qeti sikharulidze - kinavs ...

11:56 AM ქეთი სიხარულიძე - ყინავს ... / qeti sikharulidze - kinavs ...
ყინავს. ქუჩაში ცახცახებენ ნედლი ფოთლები შენი დაღლილი მუხლებივით... ძილს ვუფრთხობ წკვარამს; ვუკეთებ ფიჩხებს აორთქლებულ, მინავლულ ბუხარს და უშენობა პეშვით მაყრის თვალებში ნაცარს... კუთხეში ტაბლას (ხელუხლებელ ქალივით, ფართე წაგრძელებული თეძოებით) წინკართან-ლამფებს,- გიტოვებ... ვწვები და სქელ წყვდიადს ვიხურავ მხრებზე, რომ მძევალივით გამოვტაცო სიბნელე ღამეს ამაღამ... ცეცხლთან ცახცახებენ შენი მუხლები და ხერხემალზე ქლამინდივით ეშვება შალი, გარეთ- წკავწკავებს გაგდებული ლეკვივით ყინვა, შინ- გაოფლილი ბუხრის სუნთქვა ფანჯრებზე ბარდნის. ღამე გრძელდება საათობით, თვეობით (ზოგჯერ) და ზამთრისპირი ხალებივით კისერზე მაზის (შენ გამო... შენთვის...). გამოხატეთ თქვენი აზრი მოცემული ლექსის შესახებ კომენტარის სახით!..
1 2 3 4 5 კატეგორია: ლექსები \| ნანახია: 1210 \| დაამატა: InterestingSite \| ტეგები: poezia, shemoqmedeba, ლექსი, პოეზია, ლექსები, შემოქმედება, leqsebi, ხელოვნება, xelovneba, khelovneba \| რეიტინგი: 0.0/0