მთავარი » 2014»ოქტომბერი»2 » ანი მატისი - P a s a y k a m u y (ფერწერა) / ani matisi - pasaikamuo (fertsera)
4:34 PM
ანი მატისი - P a s a y k a m u y (ფერწერა) / ani matisi - pasaikamuo (fertsera)
ნათია პაპიძეს
შენ ყოველ დილით ანდებიდან ამოგყავს მზე და ხელისგულებზე, ფეხმორთხმული გიზის იანტი.
* * * * * * * * * * * * * * * * * * *
სხეულს გიფარავს კოჭებამდე ვიწრო ტუნიკა, უპეებისქვეშ მზე გიფეთქავს,- სავსე ნაპალმით, შენა ხარ ქალი, უდაბნოში როგორც კურტინა და ზურგით ზიდავ ტკივილებით სავსე საპალნეს.
ჰა! - თითო პეშვი სული ასვი ქვადქცეულ ძეგლებს, დაჰბერე სუნთქვა, დადუმებულ ქვათა მხარეში, (მზეზე მოხალულ მტვერის გემოს სანამ გაუძლეს) სანამ კვნეტისგან კიდევ შეგრჩა ტუჩზე შარლახი,
ნუ ფიქრობ რადგან ქალი ხარ, რომ ვინმე დაგინდობს, ყველა ტკივილი სამხრეთის ქარს გაუნიავე. ხედავ? მაჯებზე დაყრდნობილი ღამე-ინდიგო როგორ ირწევა, რიდისაგან მოწნულ ნავებში.
როგორც თეთრეულს, მდინარეში სულსაც ავლებენ ყველა სიზმარი გაატანე მიდი, მანტაროს (შორეულ სტეპზე შენს ცოდვებად ხტიან ლამები) რეცხავ სიზმრებს და ერთი გრჩება,-ცხადი ატარო.
სანამ მკვდარ ქალაქს ნისლები და სიჩუმე დახრავს, სანამ უაზროდ გაგრძელდება დროის ფერმატა, ართავ ქსოვილებს შენითმისფერ, ყვითელი-ოხრა რომ ყველა კადრი, ყველა წამი შენით დაფერო.
ეს ქვად ქცეული მზე-ქურუმიც მიდი, გაწირე რიტუალისთვს, გაუწითლე გული ლაკმუსით. მერე შეხედე მდინარეზე როგორ ირწევა მკვდარი ქალაქის, უცნაურად ჭრელი ალსეკო.
* * * * * * * * * * * * * * * * * * *
შენ ყოველ დილით ანდებიდან ამოგყავს მზე და ხელისგულებზე, ფეხმორთხმული გიზის იანტი.
გამოხატეთ თქვენი აზრი მოცემული ლექსის შესახებ კომენტარის სახით!..
