მთავარი » 2014 » ოქტომბერი » 12 » გრიგოლ რობაქიძე - ქართველ ხელოსანს სალამი სონეტით / grigol robaqidze - qartvel khelosans salami sonetit
3:31 PM
გრიგოლ რობაქიძე - ქართველ ხელოსანს სალამი სონეტით / grigol robaqidze - qartvel khelosans salami sonetit
შენს წინ იშლება საქართველოს ჭალათა თასი: შიგ აკვეთილი ბედისწერის მოძმე კედლები, - და იღვიძებენ შენში ძველთა შმაგი ხმალები, მაგრამ განელებს სილამაზით სიტყვა შოთასი...
შენ გესხურება ხელოვნების ტალღა ათასი, გარს ეხვევიან ზურმუხტოვან ტყეთა ალები – ენთები ტრფობით ალესილი, თან იალები. და მხრებს გიმშვენებს მოსასხამად ცეცხლის ატლასი.
ფიქრმორეული ამართულხარ კლდის ნაპირებზე, ლოდინით ჰკვეთავ, ავარვარებ ყოველ ალიონს. – და როს ნისლებში აიჭრება ტურფა პირიმზე,
ჟინით დამწვარი გადასძახებ მუქარას რიონს; ხედავ, იქ შორით მოელვარებს თეთრი მხედარი, - ის დაჭრილია, მაგრამ გმირი მაინც მხნედ არი...
1917
გამოხატეთ თქვენი აზრი მოცემული ლექსის შესახებ კომენტარის სახით!..
