მთავარი » 2014 » ოქტომბერი » 28 » ნიკა ჩერქეზიშვილი - აღმოსავლეთით / nika cherqezishvili - aghmosavletit
0:30 AM
ნიკა ჩერქეზიშვილი - აღმოსავლეთით / nika cherqezishvili - aghmosavletit
ქეთუს
ახლა ჩვენს შორის სიშორეა, სივრცე, ჰამადა, ფანჯრის მინებზე - ქარისა და წვიმის პა-დე-დე. ალბათ ამ ნაწერს შუაღამის ბოდვას გავატან, რადგან უშენო პოეზია სისხლსაც ადედებს და კაბალურად ჩემს წილ ჰაერს ადებს ტარიფებს, ჩემს უშენობას მე დავარქვი - ყოფნა ხურუში, ახლა ღამეა - მობატონე დღეზე ხალიფა, ჩანს ცაზე მთვარე, როგორც თურქის მუჭში ყურუში და ახლა - ისევ მენატრება, მოგყვე, გეძიო, მინდა ცხოვრებას მივაძახო პირში - მე შენი... შენი თითებით ჩავიტარო ტანზე ჯენ-ძიუ, შენი თვალების სისველიდან შევსვა ჟენშენი, რომ დედამიწამ ვერ გაბედოს მეტად ხალტურა, შენს სუფთა სისხლში ჭუჭყიანი ხელის ფათური, მაინც მოგძებნი, მანამდე კი - იყოს დასტურად ეს ლექსი, როგორც თავგანწირვა - სულით, ნატურით.
გამოხატეთ თქვენი აზრი მოცემული ლექსის შესახებ კომენტარის სახით!..
