მთავარი » 2014 » დეკემბერი » 19 » თეა თაბაგარი - ქარის სოლო / tea tabagari - qaris solo

2:44 PM

თეა თაბაგარი - ქარის სოლო / tea tabagari - qaris solo

ვადაგასულია ყოველი შეგრძნება

საშინლად,

უკვე მერამდენედ ახლად დაბადების

მცდელობით,

შენ კი, ცხოვრებასთან თავის გამართლების

მაგივრად,

ზოგჯერ როგორ გინდა თქვა, რომ, სულ უბრალოდ

-ცდებოდი.

ცა შეხსნილ გულისპირს ნაცრისფერ ღრუბლებით

იმოსავს,

ამ მონოტონური დღეებით ამინდიც

იღლება,

პალიტრის ფერები წვება გახუნებულ

ტილოზე,

ქარი მარტოობის გაბმული სოლოა-

სიმღერა.

მდორე ნოსტალგია სიშორის, სხეული

მყიფეა,

ილევა ამდენი წამოდგომითა და

დაცემით,

შენ დგახარ სარკის წინ, სახის უცნობ ყალიბს

იფერებ,

ცრემლი თუ ღიმილი, ცრემლი თუ ღიმილი…

არცერთი.