მთავარი » » გიორგი პაპუნაშვილი - დილის მასპინძლები / giorgi papunashvili - dilis maspindzlebi

11:10 AM

გიორგი პაპუნაშვილი - დილის მასპინძლები / giorgi papunashvili - dilis maspindzlebi

მზის ამოსვლასთან ერთად მოყვება დილის ლანდებს,
ქუჩებს მიყვება როგორც,ხმელეთზე ნაგდებ თევზებს,
წყალი აჩუქებს შვებას და ასე კიდევ ბადებს,
ერთ შანსს, რმელსაც ქუჩა ,მეორე დღემდე ეძებს,

ნოტებად მისდევს ფოთლებს,ტირიფის, ნაძვის, ალვის,
დილას გაატანს ფიქრებს, ქუჩაში მიმოფანტულს,
იმ დღეს, კი სხვა დილამდე უსიტყვოდ იქვე კრძალავს,
მეორე დილით ისევ, ფიქრები მოაქვს ფანტელს.

მოეფერება ისევ, ჩვილი ბავშვივით მზის სხივს,
ძველი ფიჭვისგან ნათალ სკამებს მიუგებს ბანსდა,
ქუჩის ბოლოს კი ერთი, ერთი მოხუცი ზის ხის,
ძირში, და სასმელის გარდა, რა დარჩენია ანდა,

ქუჩა სავსეა ხალხით, მაგრამ დილაა მუნჯი,
თუ მეეზოვეს და ლოთს,განთიადი არ უთქვამს,
ასე მასპინძლობს დილას, ორი დარაჯი ქუჩის,
ისინი ყველა დილით,დილა კი მათით სუნთქავს.

2014.ოქტომბერი
გ.პაპუნაშვილი