მთავარი » » გიორგი პაპუნაშვილი - ბოლო ამოსუნთქვა / giorgi papunashvili - bolo amosuntqva

11:22 AM

გიორგი პაპუნაშვილი - ბოლო ამოსუნთქვა / giorgi papunashvili - bolo amosuntqva

ეს ამოსუნთქვაც ბოლოა თითქოს,
მოწყვეტილ ყვავილს დავემსგავსე და
ვხედავ, უფალიც თავისთან მიხმობს,
რადგან მიწაზე დამჩემდა სევდა,

ეს ამოსუნთქვაც შემრჩება ალბათ,
თუ კი ჰაერში ლექსები არის,
მივეძალები ამ ჰაერს ხარბად,
და მას ვუსინთქებ ცოცხალიც მკვდარიც,

ეს ამოსუნთქვაც ბოლოა თითქოს,
რადგან არ ვიცი მერე რა მელის,
მუზა მოვიდა და წერას ითხოვს,
ფურცელს დაეტყო ხაზი კვლავ, მელნის.

2014.ოქტომბერი
გ.პაპუნაშვილი