მთავარი » 2014 » დეკემბერი » 31 » გიორგი პაპუნაშვილი - პ-ო-ე-ტ-ი(ო) / giorgi papunashvili - p-o-e-t-i-(o)

11:31 AM

გიორგი პაპუნაშვილი - პ-ო-ე-ტ-ი(ო) / giorgi papunashvili - p-o-e-t-i-(o)

ლექსის წერა, ჩემთვის უკვე წესია,
ვეომები მუზებს მთელი ძალებით,
უჩემობით კალამს სევდა ეწვია
და მიყურებს სევდიანი თვალებით.

ვხედავ მიხმობს,ითხოვს ვწერო სტროფები,
ფურცელს კვალიც დავამჩნიე მელნის და…
ყველა ჩემ მტერს ლექსად მოვეგონები
ჩემი მუზა ისევ მარტო მელის და…

ისევ კალამს ვეომები თითებით,
ფურცელია ჩვენი თეთრი მანდილი,
მე რომ წავალ მომიგონეთ მითებით,
დედამიწას არ აქვს ჩემთვის ადგილი.

მე არა ვარ, ღირსი მერქვას პოეტი,
ასეთი რამ მე არასდროს მითქვია,
არასოდეს მითქვამს რომ ვარ პოეტი,
მაგრამ დღეს მე მაინც პოეტი მქვია.

2013. მარტი
გ.პაპუნაშვილი