მთავარი » » გიორგი პაპუნაშვილი - თუ საქართველო / giorgi papunashvili - tu saqartvelo

11:33 AM

გიორგი პაპუნაშვილი - თუ საქართველო / giorgi papunashvili - tu saqartvelo

თუ საქართველო დღეს ჩონგურია,
სიმები ჩვენ ვართ, ყველანი თითოდ,
მაშ განგებამაც რად აურია,
მიწას, უცხო მზის სხივით რომ მითბობს.

თუ გაზაფხული, შვენის დარაბებს,
ჩვენთან ისევ ის ზამთარია და
აბა მითხარით ვიღას ადარდებს,
ბედი, რომ წაღმა შემოტრიალდა.

თორღვას დაეტყო თვალებზე დაღლა,
მუხლებიც ვეღარ უძლებს ქარაფებს,
ღმრთისმშობელია დღეს ცაზე დაბლა,
და მზის მაგივრად, სხივებს გვანათებს,

დღეს ისე ვდგავართ ქართულ მიწაზე,
როგორც ჯორაკზე, დგანან სიმები,
ჩონგურს ვაკვნესებთ სულ ბოლო ხმაზე
და ზეციდანაც გვლოცავს სამება.