რობერტ მესხი - ოპერატორი / robert meskhi - operatori

„და თქვენ გგონიათ, ეს კარგია?“
/ენემეო სიდიანი/

დიაფრაგმაა ხიდი.
ყველა სხივი აქ გადატყდება.
მთავარია სენსორი როგორ რეაგირებს,
რისი დანახვის შესაძლებლობას გაძლევს -
სიზმრების თუ სანაპიროზე ჩარიგებული მიმოზების,
იქნებ, ბებერი ციხეც მოიწვდინო,
... კითხვის გაგრძელება »

კომენტარები: 0 / ნანახია: 869 / თარიღი: 2017-12-18 / 10:58 PM / ორშაბათი

რობერტ მესხი - * * * / robert meskhi - * * *

მაისის ბოლო.
პერფორმანსი -
ქართლის მინდვრებზე ქართულ დროშას იმეორებენ
ვერძები და ყაყაჩოები.

კომენტარები: 0 / ნანახია: 770 / თარიღი: 2017-12-18 / 10:57 PM / ორშაბათი

რობერტ მესხი - * * * / robert meskhi - * * *

ქარი ერთობა, -
უმარტივესად
იწყობა და ისევ იშლება
ღრუბლების პაზლი.

მე - ძალაგაცლილს - რა ამაწყობს,
გზაზე დაფანტულს,
ან ჩემს ქალაქებს?!
ვზივარ უმწეო ბავშვივით და
ვითომ ვალაგებ...

კომენტარები: 0 / ნანახია: 772 / თარიღი: 2017-12-18 / 10:56 PM / ორშაბათი

რობერტ მესხი - ნაგავსაყრელის ექო / robert meskhi - nagavsakrelis eqo

პირდაფჩენილი და მშიერი ურნები დგანან ქალაქში,
განურჩევლად ყლაპავენ ყველას და ყველაფერს:
ადამიანებსა და ცხოველებს,
სახლებსა და მანქანებს,
ხეებსა და ყვავილებს...
ზოგი რამ თვითონაც უვარდებათ ხახაში,
მერე რკინის სახურავების ბრახუნით მიდიან ქალაქგარეთ,
რკი ... კითხვის გაგრძელება »

კომენტარები: 0 / ნანახია: 782 / თარიღი: 2017-12-18 / 10:54 PM / ორშაბათი

რობერტ მესხი - ბორჯომი. სურათი / robert meskhi - borjomi. surati

ხშირი ნაძვები
წამწამებივით აუპრიხავთ მწვანე მთა-გორებს.
ქარში, როცა ახამხამებენ,
შორს იფანტება ოქროს მტვერი
ქუთუთოთაგან.

საკვირველია:
აპრილს ჰგავს შენი გამოხედვა,
ამ მთა-გორებსაც...

კომენტარები: 0 / ნანახია: 800 / თარიღი: 2017-12-18 / 10:53 PM / ორშაბათი

რობერტ მესხი - ნიქოზის გაზაფხული / robert meskhi - niqozis gazafkhuli

გივარგი,
რომელი ხის ქვეშ დამარხავ ჩვენი მამებისა და დედების სინანულს?
ეგეც იქით იყოს,
ჩვენი თვალნათელი გოგო-ბიჭების სინანულს რას უზამ, -
რა მახრას შეუსევ?
რა ნაცარს წააყრი?

ეზოში ქვის ზღარბები და ბაჭიები დაგირბის.

გივარგი,
ფარ-შუბი ... კითხვის გაგრძელება »

კომენტარები: 0 / ნანახია: 704 / თარიღი: 2017-12-18 / 10:52 PM / ორშაბათი

რობერტ მესხი - ზიარება / robert meskhi - ziareba

მე ვიცნობ შვილებს, -
თუ რამე აქვთ, გადაადნობენ,
შეუკვეთავენ ძვირფას ჩარჩოს გულსაკიდისთვის,
სამაჯურისთვის,
მრგვალს ან მართკუთხედს,
მოქექავენ ყვითელ ფოტოებს,
სადაც დედა უდარდელია
და ბრწყინავს, როგორც სანთლის შუქზე
ჯვარი ნაკურთხი.

მე ... კითხვის გაგრძელება »

კომენტარები: 0 / ნანახია: 789 / თარიღი: 2017-12-18 / 10:51 PM / ორშაბათი

რობერტ მესხი - მიწა / robert meskhi - mitsa

მოკვდა და...
მთელი დანაზოგი მიწაში მისცა.
ეკლესიასთან,
იქ, სადაც საძმო საფლავია.
სადაც ხშირად ქარი ამოდის,
მარტია თუ სექტემბრია,
არ არჩევს ქარი საფლავის ქვებს - მტვერი მტვერია!
ალალი იყო სამი პეშვი ენგურს გაღმიდან,
ვიღაცა რომ გულზე აყრიდა... ... კითხვის გაგრძელება »

კომენტარები: 0 / ნანახია: 723 / თარიღი: 2017-12-18 / 10:49 PM / ორშაბათი