მთავარი » 2017»დეკემბერი»18 » რობერტ მესხი - ნიქოზის გაზაფხული / robert meskhi - niqozis gazafkhuli
10:52 PM
რობერტ მესხი - ნიქოზის გაზაფხული / robert meskhi - niqozis gazafkhuli
გივარგი, რომელი ხის ქვეშ დამარხავ ჩვენი მამებისა და დედების სინანულს? ეგეც იქით იყოს, ჩვენი თვალნათელი გოგო-ბიჭების სინანულს რას უზამ, - რა მახრას შეუსევ? რა ნაცარს წააყრი?
ეზოში ქვის ზღარბები და ბაჭიები დაგირბის.
გივარგი, ფარ-შუბი გივარგა - აეფარე.
სისხლიან ხელებზე აწებებული ყვავილები წყლით მუცელდაბერილ მდინარეებს მოუყევი, - მიწამ არ გაიგოს!.. მიწამ არ გიწყინოს!..
გაჭერი მავთულხლართი, ქართლს რომ წამოადგეს ეკლის გვირგვინივით, ჩადრიკე, ჟანგმა ჭამოს!..
გივარგიი, გივარგიი, სული გადაიფრენს, სული გამოძვრება რვალიდან, ეკლიდან... ცას მაინც შეჰკიდე ფერადი ბუშტები, ბავშვებმა ფრანებთან ერთად რომ აუშვეს... შიგ მათი სულია, მავთულს ნუ შეახევ, გივარგი!..
გორი, 26 აპრილი, 2017
გამოხატეთ თქვენი აზრი მოცემული ლექსის შესახებ კომენტარის სახით!..
