მთავარი » 2014»აგვისტო»5 » გალაკტიონ ტაბიძე - გადმოფრენას ეს ყორანი / galaktion tabidze - gadmofrenas es korani
4:10 AM
გალაკტიონ ტაბიძე - გადმოფრენას ეს ყორანი / galaktion tabidze - gadmofrenas es korani
გადმოფრენას ეს ყორანი მადათოვზე აპირებს, გაანათებს რესტორანი ტივებიან ნაპირს. ასე მიდის ეს ზამთარი სიზმარივით მდევარი, ასე რეკავს საზანდარი უქმი, შემაქცევარი. რომ ისმოდეს საიათნოვას დაჟანგული ჰანგები, მიეთოვოს, მოეთოვოს კედლებს ფარშევანგები. სული ტირის და როს ნანას, კოჭლო საჰაკ, ჰპირდები, დაანებე ფიროსმანას სევდიანი ტვირთები, რომ წავიდეს ეს ზამთარი სიზმარივით მდევარი, რომ რეკავდეს საზანდარი უქმი, შემაქცევარი. ოცნებაო, ჩემო ძველო, ვარ ღამეთა მთეველი, კიდევ ბევრი სადღეგრძელო დაგვრჩა დაულეველი.
გამოხატეთ თქვენი აზრი მოცემული ლექსის შესახებ კომენტარის სახით!..
