მთავარი » 2014 » აგვისტო » 7 » ზურაბ კუხიანიძე - მე რომ არაფერი ვთქვა ... / zurab kukhianidze - me rom araferi vtqva ...
10:27 AM
ზურაბ კუხიანიძე - მე რომ არაფერი ვთქვა ... / zurab kukhianidze - me rom araferi vtqva ...
ღამით ციცინათელობ და ლურჯ სიზმრებს გვიგზავნი. ზოგი შენს შუქს ვერ იტანს, ჩვენ კი შენით ვკისკისობთ... მე რომ არაფერი ვთქვა, გული ყვირის-მიყვარსო!
მთაო, ზრდა-გახარება!ოხვრა არ გამაგონო, შენს ლურჯ მკერდზე ქარებმა მარწიოს და მაგოროს, შენი კლდე და ქარაფი დარდით ვინ დაგიზახოს, მე არ გეტყვი არაფერს, გული ყვირის,-მიყვარსო!
წყალწითელას ჭალაში დაქროლილო ნიავო, როს უხილავ ფრთას გაშლი, აბა როგორ ვიავო, ან წამიღე ფრენით და ან შემრიე თიხასო... მე რომ არაფერი ვთქვა, გული ყვირის-მიყვარსო!
ღამით მთვარის სინათლევ, დღისით მზის მცხუნვარებავ, ერთგულებავ, სიმართლევ, ვერ წაგლეკოს ქარებმა. იფრიალეთ დროშადო, აცდენოდეთ ხიფათსო, ენაც რომ ამომშანთონ, გული ყვირის-მიყვარსო!
საქართველოვ, ვულკანზე გაკიდულო აკვანო, ერთო ციდავ რუკაზე, ისე მთელო სამყაროვ, შენზე ლაღ სიმღერათა სიტყვა რამ დამიხავსოს... მე რომ არაფერი ვთქვა, გული ყვირის-მიყვარსო!
გამოხატეთ თქვენი აზრი მოცემული ლექსის შესახებ კომენტარის სახით!..
