მთავარი » 2014»აგვისტო»23 » ხალხური - შემომეყარა ყივჩაღი / khalkhuri - shemomekara kivchaghi
5:37 AM
ხალხური - შემომეყარა ყივჩაღი / khalkhuri - shemomekara kivchaghi
შემომეყარა ყივჩაღი საზღვარს მუხრანის გზისასა, პური მთხოვა და ვაჭმიე, ვურჩევდი თავთუხისასა. ხორცი მთხოვა და ვაჭმიე, ვურჩევდი ხოხობისასა, ღვინო მთხოვა და ვასმიე, ვურჩევდი ბადაგისასა. ცოლი მთხოვა და ვერ მივეც, მიმყვანდა სიდედრისასა. ან კი ცოლს როგორ მივცემდი, შვილსა გაზრდილსა სხვისასა. ხელი მოჰხვია,აკოცა, მოზიდა ნაწნავს თმისასა, შესტირა საბრალო ქალმა: „ვაი ცოლს ცუდის ყმისასა!" მეც გულმა ვეღარ გამიძლო, მოვზიდე ვადას ხმლისასა, უმალვე იმან დამასწრო, ელვასა ჰგვანდა ცისასა. მაგრამ დაუცდა მუხანათს, ვენაცვლე მადლსა ღვთისასა, ახლა მე შემოუქნივე, ვენდე მადლს ლაშრის ჯვრისასა. გავჭერი ცხენი და კაცი, წვერიც მომიხვდა ქვიშასა, არ იყო ღირსი,მოშორდა ცქერას ნათელის მზისასა, ცოლი სიდედრსა მივგვარე, ის კი იქა სჭამს ქვიშასა.
გამოხატეთ თქვენი აზრი მოცემული ლექსის შესახებ კომენტარის სახით!..
