მთავარი » 2014 » აგვისტო » 25 » დალილა ბედიანიძე - ვარ ატეხილი სალექსოდ...
5:38 PM დალილა ბედიანიძე - ვარ ატეხილი სალექსოდ...
ვარ ატეხილი სალექსოდ
და მტკივა ლექსის იარა.
სიტყვების გვირგვინს ვწნავ და ვქსოვ,
თან ვერა გამიგია რა.
საიდან მოდის, არ ვიცი,
ლექსი, ქცეული ვარდებად.
მანათობელი შავი ცის
ხელებში ამიყვავდება.
ჩამესმის უცხო ჰანგები
და უცხო ტალღა წამლეკავს.
სიტყვებში ჩავიკარგები,
ღმერთი ზარივით დამრეკავს.
ერთს ვიტყვი _ ვერ მოვისვენებ,
ათასი მრჩება სათქმელი.
რა ფიქრებს შემომისევენ
მინდვრები გადანათქერი.
რა ფიქრებს შემომისევენ
მკვდრეთით აღმდგარი ხეები,
ყვავილში _ ცრემლის სისველე,
სიზმრებში _ სამოთხეები.
კვლავ ლექსმა წამომიარა,
ჩამესმის იავნანები.
მოვიხდი მე ჩემს ტიარას
და ლექსში ჩავეტანები.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 1235 |
დაამატა: tikonadirashvili1992
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 2 სტუმარი: 2 მომხმარებელი: 0
|
