მთავარი » 2014 » აგვისტო » 25 » აჩი ბერიძე - კადრები / achi beridze - kadrebi
9:39 PM აჩი ბერიძე - კადრები / achi beridze - kadrebi
მოკვდა, როგორც იქნა მოკვდა,
მეფე, გაუმარჯოს მეფეს,
თბება სოფლის ძველი ოდა,
გარეთ ქარიშხლები ყეფენ.
ჩემი თითებივით ცივი,
თვალზე მიმეჩვია მზერა,
ხეზე ლოლოების მძივი,
როგორც საყვარელი ჭერამ -
ჭერამ გადმოვიდა ჩემში...
თავი ჩამომადე მხარზე.
ასე ჩახუტებაც შემშლის,
შემშლის ჩახუტებაც ასე.
დავხრი ევკალიპტებს კენწერ-
ოდან... გადატყდება ხმელი,
ჩემი სიყვარულით ვერ ვწერ,
ჰოდა მიმაჭარით ხელიც.
კუბო შევუკვეთე სივრცეს,
თვალი დამიბრმავა ბინდმა,
სხეულს ჩემი სული მივცე,
მეტი არაფერი მინდა.
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 1141 |
დაამატა: InterestingSite
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 2 სტუმარი: 2 მომხმარებელი: 0
|
