ტყე, დაბურული ფოთლებით და, გრილი, საამო ხეივანი; ბალახში ლუდის ბოთლები და ბილიკზე ვიღაც ხეიბარი, სიცხე, ოფლი და სიგარეტი, ჩირგვებში ჩიტი ცოცხალ-მკვდარი, მინდა ”მალბორო, ” მინდა ”კენტი”, ღვინით სიკვდილი და ავდარი...
ტყე დაბურული ფოთლებით და ბილიკზე მხვდება ხეიბარი, სავსე ჯანსაღი ოცნებით და ათასთან ძმობით ნაფიცარი, იქით მდინარე, მცინარეთი, ჩრდილში სამოთხის ღია კარი, ” - მომაწევინე სიგარეტი, ანდა სიკვდილი დამასწარი!..”
ტყე, დაბურული ფოთლებით და, გრილი საამო ხეივანი, “ - ჩვენ ერთი ჭირით ვლოთდებით..” და.. ყვავილებს კოცნის ხეიბარი... უცებ გაჰკივის მინარეთი, ლაპლაპებს სადღაც ოქროს ჯვარი, ღვინო, მდინარე, მცინარეთი, შორს: სიკვდილი და ღია კარი...
გამოხატეთ თქვენი აზრი მოცემული ლექსის შესახებ კომენტარის სახით!..
