მთავარი » 2014 » ნოემბერი » 8 » გაბრიელ ჯაბუშანური - რასა სთხოვ უფალს / gabriel jabushanuri - rasa stkhov ufals
10:07 AM გაბრიელ ჯაბუშანური - რასა სთხოვ უფალს / gabriel jabushanuri - rasa stkhov ufals
ხუცესი შენს თავს ახვეწებს გამჩენს,
ხატის კარს ხალხი დამდგარა ჯგუფად.
მე გულში ეჭვი როგორ არ ჩამრჩეს:
ასე გულდაგულ რასა სთხოვ უფალს?
რასა სთხოვ უფალს მერყევი მზერით,
მწუხარე მზერით და ურვის ჩენით?
„უსმინე, ღმერთო!“-ხმობს ხევისბერი,
„ჩემი ქმენ, ღმერთო!“- მე ვამბობ ჟინით.
„ჩემი ქმენ, ღმერთო!“-მე შევთხოვ უფალს
და მსხვერპლს სისხლიანს იღებს გამჩენი.
მე შენთვის ურვა მსხვერპლივით მღუპავს
და ეგ საკლავიც გულია ჩემი.
რასა სთხოვ უფალს? -
იქნებ ჩემს რაყიფს
ავედრებ გულით მოცახცახეთი?
ეს რომ ვიცოდე, ცერბერის ყეფით
„წყეულიმც იყავ!“ - მოგაძახებდი.
ხუცესი შენს თავს ახვეწებს გამჩენს,
ხატის წინ ხალხი დამდგარა ჯგუფად.
მე გულში ეჭვი როგორ არ ჩამრჩეს:
ასე გულდაგულ რასა სთხოვ უფალს?
გამოხატეთ თქვენი აზრი მოცემული ლექსის შესახებ კომენტარის სახით!..
|
|
კატეგორია: ლექსები |
ნანახია: 1081 |
დაამატა: InterestingSite
| ტეგები:
| რეიტინგი: 0.0/0 |
|
|
სტატისტიკა
სულ ონლაინში: 1 სტუმარი: 1 მომხმარებელი: 0
|
