მთავარი » 2014 » ნოემბერი » 8 » ჯარჯი ფხოველი - სიტყვა ხელს შემოგიბრუნებს / jarji fkhoveli - sitkva khels shemogibrunebs

10:20 PM

ჯარჯი ფხოველი - სიტყვა ხელს შემოგიბრუნებს / jarji fkhoveli - sitkva khels shemogibrunebs

სიტყვა ხელს შემოგიბრუნებს:
იმისი მზერის პირბასრ ხანჯლებს
თვალებით დაეხევი...

სიტყვა აგიჯანყდება:
თავის მწარე ხვედრს
მხრებიდან გადაიგდებს...

თავის ნაღველს,
ათასწლობით რომ აგროვა,
შენს ფურცელზე ამოაზიდვებს...
შენს ძველისძველ და ბრმა სურვილს აუხირდება:
შენს სისხლს დალევს ამ ბნელ მინდორზე
და დაგმარხავს ფოთლებთან
და
მიწასთან
და
დრო-ჟამთან ერთად...

და მწვანე ხავსის ფარდაგს მოქსოვს
შენს სამარეზე...