მთავარი » 2014 » ნოემბერი » 10 » ამირან ჯანჯღავა - დამჩემდა განწყობა ან უფრო აურა / amiran janjghava - damchemda gantskoba an ufro aura

11:35 AM

ამირან ჯანჯღავა - დამჩემდა განწყობა ან უფრო აურა / amiran janjghava - damchemda gantskoba an ufro aura

დამჩემდა განწყობა ან უფრო აურა,
ერთ დროს,რომ ტანჯავდა დანტეს და ლამანჩელს.
თითქოსდა, ქუჩებიც დააფრთხო ხმაურმა
გარეთ რომ გაუდით, ნამიან დამბაჩებს
ნამიანს, რადგანაც ტირიან თოფები
და იქვე ჭადრებთან ბავშვივით ვსლუკუნებ.
ბოლოა ღამე და მიდიხარ, თხოვდები
ხვალიდან სუნთქვასაც დავარქმევ უკუნეთს,
ხვალიდან ხვალეზე ფიქრიც კი მორჩება
ვხვდები, რომ ფილტვებში ჟანგბადიც არ დამრჩა
და როგორც ურწმუნო,უღმერთო მორჩილი
მე ყველა კითხვაზე მპასუხობს დამბაჩა.
ახლა კი, ჩემს ირგვლივ მძიმეა აურა
წვერივით ჯიუტი თან უფრო უხეში
ბოლოჯერ დააფრთხობს ამ ქუჩებს ხმაური,
წამი და ბოლოჯერ მოვწყდები მუხლებში ...

ა. ჯანჯღავა - მეცამეტე თვის პოეტები
amiran janjgava - mecamete tvis poetebi