ჭადრაკი – ეს არის თამაში, რომელიც ადამიანის გონებას უფრო მეტად ანვითარებს. ლენინი ჭადრაკს ''გონების ტანვარჯიშს'' ეძახდა. ჭადრაკს თამაშობდნენ: ნაპოლეონ ბონაპარტე, ილია ჭავჭავაძე, ივანე მაჩაბელი და სხვა დიდი პიროვნებები. პირველი ქართველი დიდოსტატი ანდრია დადიანი იყო. მე–20 საუკუნეში ჭადრაკმა მტკიცედ მოიკიდა ფეხი საქართველოში და ასპარეზზე გამოჩნდნენ: ბუხუტი გურგენიძე, ნონა გაფრინდაშვილი, ნანა ალექსანდრია, მაია ჩიბურდანიძე, ნინო გურიელი, ქეთევან არახამია, ზურაბ აზმაიფარაშვილი, გიორგი გიორგაძე და სხვები. ჭადრაკს ბავშვობიდან ვეზიარე, შემიძლია შეუსვენებლად ვითამაშო, ჩემი საყვარელი თამაშია, ჭადრაკის მეტს არაფერს ვთამაშობ: არც ნარდს, არც დომინოს, არც შაშს. გარი კასპაროვის არ იყოს: ''საოცარი თამაშია ჭადრაკი, ყველა სვლაზე პასუხისმგებელი ხარ''.
დაბოლოს:
დიდოსტატები მატს არ ისვამენ!
ჭადრაკს ვთამაშობ დღეა თუ ღამე, ბრძნული თამაშის სულ ვარ ქებაში! დიდოსტატები მატს არ ისვამენ არც ჭადრაკში და არც ცხოვრებაში!
პატივისცემით – ოთარ რურუა
გამოხატეთ თქვენი აზრი მოცემული ლექსის შესახებ კომენტარის სახით!..
