რობერტ მესხი - გეოგრაფიული ეროსცენები / robert meskhi - geografiuli eroscenebi - 10 დეკემბერში 2017

მთავარი » » რობერტ მესხი - გეოგრაფიული ეროსცენები / robert meskhi - geografiuli eroscenebi

12:41 PM რობერტ მესხი - გეოგრაფიული ეროსცენები / robert meskhi - geografiuli eroscenebi
ყოველთვის მიყვარდა გეოგრაფია, განსაკუთრებით ფიზიკური: თითქმის გაყვითლებული რუკა, ერთმანეთზე გადასული ნახევარსფეროებით, შეუმჩნევლად გაყოფილი წრფივად დაშვებული მერიდიანით - შენი გარუჯული დუნდულები გვერდებზე განასკვული ბიკინებით. ყოველთვის მიყვარდა გეოგრაფია, განსაკუთრებით ფიზიკური: საჰარა... ორი სიმეტრიული ბარხანა, მაღალი პალმებით მოჩრდილული - შენი ტროპიკული ლიფი, ფუმფულა მკერდზე წამომჯდარი. ყოველთვის მიყვარდა გეოგრაფია, განსაკუთრებით ფიზიკური: წყლის ნაკადს, რომელიც სიმაღლიდან ვარდება, ჩანჩქერი ეწოდება. საქართველოში ბევრი ჩანჩქერია, მაგრამ სულ სხვაა შენი ქვიშიანი თმების მომნუსხველი დინება და შენი მოუსვენარი თითები - აღმა მცურავი ორაგულები... ყოველთვის მიყვარდა გეოგრაფია... გამოხატეთ თქვენი აზრი მოცემული ლექსის შესახებ კომენტარის სახით!..
1 2 3 4 5 კატეგორია: ლექსები \| ნანახია: 781 \| დაამატა: nikolozqartveli \| ტეგები: poezia, leqsi leqsebi, leksi leksebi, ლექსი, robert mesxi, ლექსები, პოეზია, robert meskhi, რობერტ მესხი, poetry \| რეიტინგი: 0.0/0