ნასვამი კაცი ახალგაზრდა გოგოს უღიმის, ბოშები დგანან ფრთაგაშლილი საყურეებით, წინაპრების ენაზე ბჭობენ. - ბიძიებო, დეიდებოოო, დამეხმარეეეეთ!.. - იწყებს ყვირილს პატარა ბიჭი. (ათობით მგზავრის თვალებში ვჩანვარ, მღვრიე მინებში, საკუთარი სულის სარკეში, - სხვადასხვა სახით...) ხუთთეთრიანი სიბრალულით ივსება პეშვი პატარა ბოშის. პური და ფეტვი: ბიჭი ხურდას იყრის ჯიბეში, სიბრალულს კი ვაგონში ტოვებს. "ელდეპოსა" და "დიდუბეს" შორის მაისის თქეშის გვირაბში შეძვრა მატარებელი. გაქრნენ ბოშები...
გამოხატეთ თქვენი აზრი მოცემული ლექსის შესახებ კომენტარის სახით!..
